غزل ترکی " عقیل"

قَمَه نی وورما باشیندان! اولار عقلین زاییل!

دوشمانین باشینا دور وور قَمَه نی! ای عاقیل!

یئکه باش ـ قارنی یوغون، دعوی ِ شاهلیق ائله دی!

شئیخ و شئیطان ایله ائششک اونا اولدو قاییل!

آدی مین دیلده گزیر! حؤکمو روان دیر شاه تک!

یا باشیندان تاجی دوشموش، کسیلر یا مین دیل!

چکیر هئی دستمالی یاشلیر! بَه یَه باخسین اونا شئیخ!

انگ ده ن تا گؤبه یه قویموش او ساققال لا سیبیل!

باخ! دئییبلر کی قوپارتما زیگیلی هئی چوخالار!

ایله نیب زاهید اولوب جامعه ده یئککه زییل!

نئچه ایل دیر جوابین یوخ بو سؤزه ای مفتی!

قاندا سججاده آچان؟ یا می ایچن دیر قاتیل؟

بئله کی شاهدِ تبریزی یازیر شعرلرینی

ده لی بازار آراسیندا ووراجاقلار دورا میل!