تازا شئعیر : نئجه یازسین سینیق أل؟!

سیندیریبلار قولومو!

نئجه یازسین سینیق أل؟!

سیخیلیب قول ـ قانادیم!

نئجه اوشسون بئله قوش؟!

او دیاردا کی نَفَس چکسن اگر جورمودی

ـ سَس سیز ـ

                 ـ سس سیز ـ

نَفَسین حبس ائله سیننده گؤزه ل قوش!

اوخوما!

جانیوی قویما آلا!

بئله کؤرپه بو چَمَن ده!

بیلمیسن نه قارانلیق دالانی دی!

گؤزو باغلی، ألی باغلی

آپاریرلار هارا بو سؤزیازانی؟!

بیر سوروشدوم اؤز ـ اؤزومده ن بونو من

گوناهیم سن بیلیسن کی نه یی دی؟!

قارا بیر تاختانین اوستونده یازیردیم :

سئویره م آللاهی من!

سئویره م آللاهیمین خلقینی من!

سیخدیلار اللریمی!

سالدیلار بنده منی!

باتیمین ـ چکمه نین آلتیندا بلندیم قانا من!

آما قورخماز کیشی تک

باغیریب سؤیله دیم ای ظالیمِ دون!

شاهدِ تبریز بویون أیمز سیزه، بوینوندا أییب وورساز اگر!

                                                                        3/3/ 1379