مثنوی ترکی " قومارباز دونیا "

بیلمیره م هرده ن نه ده ن جان اود توتور؟!

هئی قومارباز دونیامیز خالقا اوُتور!

شاید آللاه دا کوسوب بیزده ن! اولار؟

قیبله لر هاممی دؤنوب سیزده ن! اولار؟

دونیانین قارنی دولو اربابلاری

بی مروّت، بی ادب آدابلاری

ایندی ائششک لر یئییرلر آرپانی

آج قارین آت، میندیریبدیر زیرپانی

حوققایا یوز بس ده یاپسان، بی ثمر!

اؤز خیالیندا ائدیر شقّ القمر!

تیره یی شیشلیک له سیم له هئی چکیر!!

آغ ده نین هر گون شورانلیقدا أکیر!!

شاعرانه عالَمه چوخ گئتمه سن

چوخ گزه ک ائتدیم بو عالَم لرده من

آغ بولودلار پنبه سی، آرام گئچیر

بیر گؤزه ل قیز پنبه لرده گول سئچیر!

أل سالیب زولفون هؤرور سونبول ده ریر

گول لری ده خونچایا بیربیر سریر

قیز!  باشیندان باشلیغین بیرده ن گؤتور!

تا گونش چیخسین او گیسودان اؤتور!

گؤی بیتؤو سالخیم چیچکلی گؤستریر

خاطیرین ده گون گیجیکلی گؤستریر!