قیزیل گول، گول لرین صوبح لر قراریله آچار باغلار
نیگاریم گؤزلرین هرده ن خوماریله آچار باغلار
گؤزه ل شاهید، سَحَر دورموش یوخودان گؤزلرین در دم
اوغار ؛ کیپریک لرین ده، تنگ و تاریله آچار باغلار
عَفیف آرواد او نامحرم یانیندا چَرقَدین یارب!
سَفَرلرده یا هر یئرده، ویقاریله آچار باغلار
یاریله ، قول ـ بویون اولسان، قوجاقلاشسان
قولون، هئی ال ـ بویون اولموش نیگاریله، آچار باغلار
چیچک ـ گول قیز، «بابا!» سَسلر، مَزار اوسته تؤکر هئی یاش!
یاشیل یاش گؤزلرین بیر زار و زاریله آچار باغلار
ییخیلسین یوخ ائوین ظالیم! شوم اولسون کی دامین اوسته
بو قارقا دیمدیگین هئی قار و قاریله آچار باغلار
«نیگار» سسلر اگر بیر سس ائشیتسه یولدا قالمیش گؤز!
گئجه ـ گوندوز، قاپین هئی اینتیظاریله آچار باغلار
شفاعت اذنِ آللاهدیر؛ حقیقیت دیر بو سؤز شاهید!
فقط آللاه شهودی اؤز آچاریله آچار باغلار
شاهد تبریزی - شعر و فلسفه...
ما را در سایت شاهد تبریزی - شعر و فلسفه دنبال می کنید
برچسب : غزل ترکی شهریار,غزل ترکی عاشقانه,غزل ترکی امام زمان, نویسنده : 8shahedtabrizi1 بازدید : 215 تاريخ : جمعه 12 آذر 1395 ساعت: 8:05